XUSTIFICACIÓN
DE MOTIVOS:
O
campo de fútbol da Bouza, en Barrantes, é o campo que mais uso soporta en todo
o concello. Por un lado esta o Umia C. F., que cubre, con arredor de 200
xogadores, todas as categorías posibles:
Biberon, Prebenxamín A, Prebenxamín B, Benxamín , Alevín, Infantil, Cadete,
Xuvenil, Senior, Veterano e Feminino.
Hai que resaltar que este clube realiza un traballo extraordinario de promoción
do deporte, e conta cun dos poucos equipos femininos da provincia e cun dos
dous únicos equipos da categoría Biberón do Salnés, o cal implica por
necesidade un uso mais intenso do campo que outros equipos que contan con menos
categorías, ou menos xogadores. Sen embargo, este uso intenso, por si solo, non
seria especialmente prexudicial para a superficie do campo, se non fora que
ademais, os nenos do colexio xogan enriba del todos os días durante o curso
escolar. Esta situación provocou o degradamento do céspede artificial a unha
velocidade moito mais rápida que un campo cun uso mais normal. O que non
entendemos dende Anova é como se permitiu este deterioro sen tomar medidas
preventivas, nin acometer a súa substitución,chegado o momento.
Porque a situación de deterioro do céspede
deste campo non é algo novo. Todas as persoas que xogan nel ou acoden a ver os
partidos ou os entrenamentos, levan mais
de dous anos observando signos deste deterioro. Dende o clube de fútbol, cando
os membros do equipo local de Anova nos achegamos a preguntar por esta
situación, comentáronnos que levan anos solicitando por escrito que se resolva esta situación, e que o
concello de Ribadumia nunca pasou de poñer un par de parches, consistentes
sobre todo en añadir caucho o céspede, co cal a medio prazo o único que se
conseguiu foi que os xogadores enchan os seus corpos de abrasaduras cada vez
que se arrastran polo chan, algo por certo moi común neste deporte. O estado do
campo e tan dramático, de feito, que consta en varias actas arbitrais, e que
provoca lesións os xogadores, pois obrigaos a xogar nunha superficie que
resulta ser tan dura como o asfalto, provocando sobrecargas musculares e outras
lesións.
Dende Anova xa temos declarado moitas veces
que as maneiras de actuar do goberno local do Partido Popular, favorecendo a
uns clubs deportivos mentres deixa a outros de lado, nos parece unha moi mala
maneira de xestionar os recursos dun concello, por non entrar noutras
valoracións. Pero que cheguemos o extremo de que o estado do campo sexa tan
malo que os xogadores se lesionen, os árbitros o reflictan nas actas deixando o
propietario do campo en ridículo, e sobre todo que os nenos se estean mancando por culpa da
ineptitude do equipo de goberno popular, parécenos ir demasiado lonxe.
Nos últimos meses tivemos que soportar que se
gastaran 420.000€, que eran de todos os veciños, en facer un campo de fútbol
novo. Un campo que resulta totalmente innecesario, mentres os outros campos
existentes no concello se descoidan e se deixan de lado.
Non compartimos esta maneira de actuar.
Ademais, no caso do campo de fútbol da Bouza cremos que a situación require de
medidas urxentes, tendo en conta a cantidade de nenos, xoves e adultos que
practican deporte alí cada día. Por ese motivo traemos a este pleno esta
moción, coa intención de que se aprobe o seguinte:
- Que o concello de Ribadumia,
coa máxima urxencia, xestione a substitución do céspede artificial do campo da
Bouza en Barrantes, así como de calquera instalación ou mobiliario que estea en mal estado.
- Que se estude e se poña en
practica un plan de actuacións preventivas para axudar na medida do posible a
prolongar a vida útil do céspede artificial.
- Que se revise o estado do
campo regularmente, e se proceda as reparacións ou substitucións oportunas
cando sexa necesario.
Jose Enrique Oubiña lago. Concelleiro e membro do grupo
local de Anova.
En Ribadumia, a dia 21 de Setembro de 2012.
No hay comentarios:
Publicar un comentario